OOSIE koshuis
Die nuutste toevoeging tot ons skool is die koshuis. Ons het ’n gedeelte van Worcester Gimnasium se meisieskoshuis, die Seminarie, ingerig as ons eie. Die koshuis is van Maandag tot Vrydag oop vir ons leerders, aangesien dit vir ons belangrik is dat hulle naweke met hul ouers en gesinne sal deurbring.
Kamers
Die koshuis beskik oor ’n paar slaapkamers wat elk gedeel word tussen twee leerders. Dit bied die leerders die geleentheid om sommer vinnig maats te maak in die koshuis.
Tuin
Die Seminarie-koshuis het een van die mooiste tuine in die middedorp. Dit skep ’n rustige atmosfeer vir die leerders. Die koshuisleerders sit gereeld op die bankies of op die swaaie en het ’n groot grasperk om te geniet.
Fasiliteite
Die koshuis spog met moderne en opgegradeerde fasiliteite soos ‘n swembad, tennis- en netbalbaan waartoe die leerders volle toegang het.
Koshuistye
Koshuistye
Maandae tot
Vrydae 13:00
Inkloktyd
Sondae vanaf 16:00
Studietye
15:30 tot 17:00
18:00 tot 19:00
Koshuisouers
Ons koshuisouers is mnr. Tiaan- en me. Megan Grobler. Hulle is albei onderwysers by ons skool. Mnr. Tiaan is by Graad 6 en juf. Megan is by die Klein OOSies. Die koshuis is in 'n veilig-omheinde area. Leerders word vervoer met die skoolbus. Daar is 24-uur toesig vir ons inwonende leerders. Dit is vir ons belangrik dat die koshuis soos huis, weg van die huis, voel.
